ANCAS "Agora quero ir camiñando ao cole"

O camiño escolar é un proxecto de participación cidadá que promove a cultura da seguridade viaria, para acadar unha contorna de convivencia máis segura, saudable e sostible para a nosa mobilidade.

• Fomentar que o alumnado dos centros escolares se desprace camiñando, en bici ou en transporte público pola cidade. Hábitos que permiten recuperar a cidade como un espazo de mobilidade compartida.
• Sensibilizar sobre a necesidade de frear os problemas xerados polo abuso do vehículo particular. O que se traduce en respecto, tolerancia e convivencia, nun barrio máis amigable.
• Promover un banco de tempo no traxecto escolar coa finalidade de mellorar a convivencia e promover o achegamento entre o alumnado que vive no mesmo barrio.
• Identificar como usuario/a directo, as principais problemáticas de seguridade viaria na contorna dos centros escolares.